Qisadii Dhalinyadii God-Buureedka

Hadda ka hor Waxaa jiray Magaalo ka mid ah Dhulka Roomaanka oo Maanta Yurub loo yaqaan. Magaalada Waxaa la oranjiray Dardhuus. Waxaa goobta ka talinayey Hogaamiye aad u naxariis daran oo amar ku taagleyn badan oo loogu yeeri jiray Daqyaanuus. Waxa uu Dadka ku sanduleyn jiray in Sanamyada Caabudaan Cid kastena Waxaa uu ku qasbay in ay qaadato amarkaa.  Kolkaan waxa ay dadka ay Haystaan Diintii Nabi Ciise.  Waxaa ka hor yimid Dhalinyaro, kuwaa oo si geesinimo ah ugu soo horjeesaday amarka Hogaamiyahaas.
Waxa u yeeray Dhalinyaradii In Hogaamiyihii oo la amray in la hor keeno.

Markii ay horyimaadeen baa uu amray in Sanamyada Caabudaan! Ku darsa kolkaan Dadka Diinta Nabi Ciise Haysta oo Allah Caabudayaan 3 wax oo uu Allah ka fududeeyey umadda nabi Muxamed N.N.K.H iyaga lagama fududeyn. "Qaladka, Hilmaamka ama Nisyaanka, iyo Waxaa lagu Dirqiyo ama lagu qasbo,  Yacnii hadii intaa ay sameyaan waxa ay ka baxay Diintooda waxaana loogu baahanyahay Towbo, Halka Nabi Muxamed intuba laga dhaafay"

Dhalinyarii Allah baa qukuubtood adkeeyey, kolkaa bay dhaheen Rabbigeen waa Rabbiga Abuuray Cir iyo Dhul, Wax ka Sokeeya Allahaana Caabudi meyno, hadii arintaa dhahnana waxa aan ku dhawaaqnay Wax Xadgudub ah. 

Kolkaa buu inta uu Boqorkii yiri " Waxaa tihiin Dhalinyaro la marin habaabiyey ee socda oo soo tashta"

Dhalinyaradii waa ay baxeen kolkaa iyaga oo tashanaayo ku is yiraahdeen oraahyadaan " Kuwaani waa Qoom Sameystat Ilaah ka sakoow sanamyo ay caabudaan, Hadii ay Xujo cad ama daliil ay la imaana,  Alla Maxaa ka dulmi badan qofkii Allaah ka beeniyey "

Wada tashi kedib Waxaa la isku raaacay in ıyada oo laga faa'ideysanayo Waqtiga yar ay heestaan in cawada u hoydaan God Buureed magaalada banaankeyd ku yaal, "ileyn Waxaa laga yaaba in Allaah inoo fidiyo Naxariistiisa oo arinteyna Allah inoogu diyaariyo wax aan intifaacsano"

Sidii bay taladii ku gooyeen waa ayna dhaqaaqeen oo qabteen dhankii Godka, iyaga oo wadadii sii socdo ayaa Waxaa ay wadada ku sii arkeen nin Xoolo la joogo. Markaa ay is warsadeen oo uu weydiiyey intee ku socoteen? 

kolkaa bay ugu warameen in ay la baxsanayaan Diintoodii, Ninkii Xoolihii buu iskaga dhaqaaqay Waxaa horay u sii raacay dhalinyaradii  "asaga iyo Eygiis" Godkii loo socday bay gaareen oo galeen. Kolkii oo ay godkii farfariisteenba waxa uu Allaah ku soo rogay dhalinyaradii Hurdo. Godku wuu Afbalaaranyahay, Cadceeda kolka ay soo baxdo toos bay ugu dhacdaa, marka ay sii dhaceysana dhinaca kale bay ugu soo dhacdaa! Muddo ku siman 300 lagu siyaadiyey 9 sanno ama 309 buu Allah cadceedii qadkeedii ka leexiyey oo godkaba meesha ugu dhici jirtay Cadceeda uguma dhacdo ! Hadii ay Cadceeda ku dhici laheyd jirkoodu waa qayirmi lahaa , maryahoodana waa ay baabi'i lahaayeen sidaa darteed Cadceedii ama qoraxdii Allaah baa ka leexiyey, Waxaa inta u dheer nimankaan waa hurdaan laakiin Allah baa hadba dhinac  u gadinayey,  marna dhanka midig marna dhanka bidix, meesha ay hurdaan waa meel ciid ah, hadaan la rog rogi laheyn Waxaa cuni laheyd jirkooda Ciidda ! 309kaa sanno bay meesha ku noolaayeen cunto iyo Cabitaan la'aan. Godka markaan ka warano hadii soo dul istaagi laheyd waxaad moodaa in ay Soo jeedaan laakiin waa kuwa Hurda, Eygoodii waxa uu kala fidiyey labada dhudhun Afka Godka, Hadii aadba soo eegi laheyd oo godka inaad aado u soo bareeri laheyd waxa dib u jeesan laheyd adiga oo cararaya,  waxaana ku buuxi laheyd Cabsi Maadaama uu Allah dhigay ciidan Adag Godka oo ay adagtahay qof u soo bareero inuu yimaado.  Waxa dhanka, maadaama uu waqti soo wareegay halaagsamay boqorkii Duqyaanuus oo ah kii laga soo cararay, Waxaana Waqtiga Xiligaa ah Hadal haynta xiligaa noqotay arrinta Dhalinyaradaa tiradooda inta ay aheyd, imisaa laga joogaa iyo beri may aheyd iwm!

Kolkii uu Allah uu Nafta ku soo celiyey ama uu soo toosiyey Maadaama waqti dheer 309 ah Hurdo ku jireen baa Waxaa dhacday in la is wareysto inta ay godka ku nagaayeen ama joogeen.  Mid hadlaya baa yiri imisaa joogteen? wax ay dhaheen waxaan joognay Maalin ama Maalin barkeed. Waxaa la yiraahdaa in xiliga godka ay galeen aheyd gelin horay kolka ay soo tooseen waxaa ay ula ekaatay qorax dhac, marka maalin gelinkeed baan meesha joognay bay dhaheen. Sida ugu dheeraana arinta bay dhaheen Allah un baa og intaa joogteyn e, ee inoo dira qof lacagta wax inooga doona Magaaladii u dhuudhuunta /Dhukusa oo cunto nadiif ah inoo soo iibiyo.  Waxaa loo dhiibay Wiilka mid ahaa dhalinyaradii lacagta waa uuna baxay oo Magaaladii buu qabtay, Waa Seddax boqol iyo Sagaal sanno kedib,  Waxaa isbedelay Magaaladii guryihii iyo jidadkii iyo Dadkii ay ugu tageen oo ah kuwa mar horay iilka u hoyday! Dadkii ay yaqaaneen waxba kama noola, kolkaa buu wiilkii isyiri tolow ma soo ambatay oo Magaalo aan Magaaladii aheyn baad timid ! Sidaa uma sii shakin e waxa uu ku nasiibsaday 1 nin oo wax iibinayey kolkaa buu ku yiri bal alaabtaan iga iibi! Lacagta uu wiilka watana waa lacagtii berigii qaryaanuus oo xiligaan magaalada ka dhamaatay Waana lacag qaali aheyd oo dahabka cad aheyd. Waana lacag 309 sanno ka hor la isticmaali jiray, ninkii wax laga iibsanyey baa yaaban kolkii uu lacagta arkay Markaa buu hadba dhan u rog rogaa lacagta. Markaa uu wiilka weydiiyey " Wiilyahow ma wax qasnad ah oo Dadkii horay duugeen baa la kulantay!" Wiilkii baa yiri "maya lama aanan kulmin ee waa lacagteyda caadiga ah" Ninkii baa yiri war lacagtaan iminka lama isticmaalo e, Xiligii Duqyaanuus baa la isticmaali jiray !

Wiilkii baa  yiri war horta soo taan shalay idinka tagnay waasee! oo uu ku daray Duqyaanuus aaway, soo taan asna shalay ka tagay !

Ninkii baa yiri war Duqyaanuus mar horuu dhintay! Wiilkii baa yiri oo dunida iiga Magaalada iiga waran? 

Magaalada Waxaa hogaaminayey Hogaamiye Muslim ah.

Intaa kedib Waxaa iskugu soo aruuriyey wiilkii Magaaladii oo dhan! kolkaa buu ka sheekeeyey in ay ahaayeen Dhalinyaro ka baxsaday Ninkii Duqyaanus ahaa. kolkaa bay dhaheen " War warkiina waaba lagu muransanaaye oo hadal haynta Magaalada ayeeba noqotaye Xaqiiqo ma tahay? 

Kolkaa buu yiri haayo Waxaa idiin geenaya niminkii aan ka imid, ilaa boqorkii buu warkii gaaray, boqorkii baa ciidankii soo kaxeystay Waxaa dhanka kale soo baxay Dadkii Magaalada waxa ay daba socdeen wiilkii oo hugunka daba socdo aad yaabeyso baa godkii kor yimid , ayee wiilashii hugunka maqleen kolkaa bay is dhaheen Maanta baa gacan gasheen, wiilkii gacanta lagu dhigay Ciidankiina Maanta anagaa inaloo soo diray!  markiiba Salaad bay iska xirteen. Salaadii bay ku raageen oo ku dheeraadeen,  markaa buu ninkii boqorka ahaa yiri suga anigaa u galaayee, godkii buu u soo galay inta ay Salaada ka baxayeen buu sugay, marka ay dhameysteen buu marxabeeyey Salaan iyo iswareysi bay galeen, markii  ay warka dhameystireen Allah baa Hurdo ku soo dajiyey mar kale , sidaas bay nafta ugu baxday oo wada dhinteen. Dhimashadooda kedib baa waxa ay dadkii ku qeybsameen arintooda sida laga yeelayo. Magaalada  dadku ku nool waxa u qeybsanyihiin kuwo qubuuraha ku falan oo mar walba dadkooda Saalixiinta ah meesha ay ku dhintaan masaajidyo ka dhisa iyo qolo kale oo yiraahda War adoomada ilaahay haku fidnoobinee iska daaya. Qolooyinkii markii ay murmeen qolo waxa ay tiri " Waa Addoomo Allah xaajadoodana allah baa garanayee ee bal Afka godka ama albaabka Darbi ku xirno" qoladii kale baa tiri " Taa yeeli meyno ee halka ay ku dhinteen masaajid baan ka Yeeleenaa" ugu dambeyn waxaana guuleystay Qolodii tiri in goobta Masjid  baa laga dhisayaa.

Dhalinyadaa laga hadlayo waa dhalinyaradii  " أصحاب الكهف " ama " Asxaabtii God Buureedka" 

Qisadaan oo xita soo gaartay hadal haynteeda ilaa zamankii Nabiga oo ay xitaa ku murmeen tirada dhalinyaarada ay aheyd , Halka qolo ka dhaheen " Waa 3 oo Waxaa 4-eeyo Eygoodii,  qolo kale waa 5 Waxaa 6-eeyo Eyga, qolo kalena Waxa ay dhaheen  waa 7 Waxaa 8-eeyo Eyga ama Allah un baa tiradiisa yaqaano dheh baa Nabiga lagu yiri , mana yaqaanaan ilaa inyar oo dadka ma'ahe.  

Cabdullahi binu Cabaas oo arintaa Dadka yar ka hadlayana waxa uu yiri Waxaa kamid ahay dadkaa yar oo tiradooda waxa ay ahaayeen  7 oo Eyga 8-eeyo.  

Walaahu Aclam. 

Waxaa qoray Abdiladif Yusuf 

Maxay biniaadamka u tixgeliyaan "Shinidda" oo Tuqsiga/ Tixsiga u tixgelin!

Shirkii Tixsiyada /Tuqsi

Hadda ka hor baa Waxaa shir qabsaday Tixsiyo Careysan. Markaas baa waxay dhaheyn anaga oo reer Tuqsi/ Tixsi ah iyo  bahashada Shinida ah waxa aynu nahnay isku bah. Dadku shinidu waa ay ixtiraamaano, meel bay ku xareystaan waa ay intifaacsadaan e. War nimanyahow anaga karaamada maxaa inaga qaaday!
Markaas bay ay isla qireyn in faduuli yihiin oo meel walba galaan laakiin bahasha shinida la yiraahdo in ay banaankaas ugu baxdo oo ay dadku raadsanaan aysan ıyada u imaan, ee inagana bal aan duurkaas u baxno oo biniaadamka ka tagno sida naloo soo dabto . Taladii baa la wada qaatay kedib Duurkii bey iska galeen Reer Tuqsi/Tixsi.

Dabadeed markii Duurkii dageen bey Xayawaankii duulayo ee arkaan waxa ay weydiinayeen "Horta manala hadal hayey?"
Markaa baa lagu yiraahdaa "Haa waa lagu hadal hayoo in lagaa raysaty bee dadku sheeg sheegayeen, war ninyahow Tuqsigii ilaah waa inaga kaxeeyey"

Intee arintii u cuntami weyday ayee mar kale shir iskugu yimaadeen oo loogu arinsanayo Sababta loogu imaan waayey!
Waxaa la soo saaray go'aan kale oo ah in ay Dagaalamaan oo wax kaste biniaadamka isticmaalayaan isku tuuraan, Caanaha isku tuuraan, cuntada isku tuuraan, shaaxa isku tuuraan, maraqa isku tuuraan  oo Dadka aan la dagaalanno maadama na ixtiraami waayeen oo ictiraafka na sii waayeen, Laakiin ilaa Hadda Reer tixsi /Tuqsi cid dareenkooda dareentay Nasiib darro ma jirto, ıyagana Dagaalka ma joojiyaan Dadkuna Ma fahmaan !

Noqo Shinida oo kale Si laguu raadsado ha noqon Tixsiga sidaan laguu nicin!
Qore: Abdiladif Yusuf

Sheeko Daanyeer iyo Daanyeerad dhex martay

Marka gabalka sii dhacayo ayee Daanyeer (Dhediga) ku tiraahdaa Daanyeer (Labka) ah war Haaruun caruurtii wey cagaagtaye bal aan kabo u tolno !
Markaas uu yiraa bal horta waa habeen aan iska hoyane u kaadi! waa la isku raacay.

Kolka waagii baryey ayee marka kale tiraahdaa War horta caruurtii kabo aan u tolno !

Markaas ayuu yiraahdaa Nin qaraab hela, iyo nin qaroon hela iyo ruux iskaba qada hala qadhabsado. Calooshii ayaaba maran maxaan kabo duunaa ilaa Maalintaa sidaas bay noloshiisii ku socotaa!

Wareysi Dameer iyo Dameerad

Dameer baa la su'aalay,  War dameer soo taa daamanka ku jajabeen maad iskaga hartid ?
Kolkaa buu yiri " Wallaahi waan arkaa dhibaatada i haysatee laakiin waxaas oo dhibaato ah waxa aan u galayaa waxa aan isleeyahay Tafiirta Reer Dameer yee dhammaanin!

Markaa baa la su'aalay dameeradii, Dameerey maxaa ninkaaga saa ugu galeysaa?

Dameeradii baa tiri "Waa axmaqoo intuu culeys i saaro ayuu iigaga dhaqaaqidoonaa hadhow !

Habeenkii TAASHKA Arooska Xiratay bay Sirtii Arooska Fikatay !

Sheekadii Taashka iyo Burburka Qoys
--------------------------------------------------------------

Hadda ka hor baa waxaa dunida iska calmaday gabadh iyo  wiil kedib waqti badan xodxodosho socotay.
Muddo markii la joogay baa Inanka wuxuu aaday Safar.  Ayadoo taasi ay jirto baa inantii goor kaste oo adeeg ka doonato Tukaan guriga u dhaw baa waxaa ka soo hor baxo wiil.  Maalin koowaad salaan,  maalin labaad salaan, Maalin sedaxaad buu wuxuu inanta ka dalbaday in la isbarto.  Ayado wax uma aragto ee waxa ay u sheegtay magaceydii iyo halka ay degantahay.  Isbarasho kedib waa la ismac-salaameeyey.  Maalin danbe waa kan inankii uu bilaabay weydiinta arimaha nafsadeyda iyo howlaheeda ku saabsan.  Inantii dhib uma arag waxa ay u sheegtay in haweenay la qabo tahay oo Ninkeyda Ku maqanyahay Safar gaaban.  Inankii baa halkaa ka arkay fursad , waxa uuna bilaabay in uu ku dhaho bal aan sii hayo booska inta uu maqanyahay.  Gabadhii yaab,  waxa ay ku adkeesatay oo tiri "walaal anigu xaas baan ahaye,  ee waxaad dalbaneyso waa wax laga xumaado fadlan xishow"
Kedib wuxuu u guda galay inuu u magaalada u galiyo oo ku faafiyo "Inuu Asaga ku xad-gudbay kana Macsiyeestay" wuxuu ku guuleystay sameyntaa ficilkaa waxaana Magaaladii ku faaftay in ay Heblaayo ka macsiyeestay wiilkii.
Muddo kedib waxaa safar ka yimid odaygii gabadha.  In yar asaga oo joogin baa waxaa soo gaartay khabarka ah in Xaaskiisii uu ku xad-gudbay inan magaalada ku nool.  Asaga oo taa la yaaban baan inankii oo socda u yimid ninkii meel ku yara buuqsan.  Wuxuu ku yiri "Haa aniga ka macsiyeestay naagtaada".  Waxa uu weydiiyey oo hadaa ku macsiyeesatay bal ii sheeg Calaamad cadeeyneesa inaad ka macsiyeesatay.  Wuxuu yiri "Waxaa Xabadka korkii ugu yaal Bar( calaamad midab madow leh oo jirka ku taala) ". Kedib Ninkii waa maleesan waayey oo waa sax waxa inanku ku hadaaqaayo.  Gabadha uu tagay oo uu weydiiyey waxa ka jiro waxa Magaalada ugu faafay.  Waxa ay dhaar ku martay in inankaas waxa magaalada ku faafiyey wax ka jirin oo ay tahay Xaas dhowrsan.  Walaahi inaan u gogol-dhaafin oo walina iga ag soo dhawaan bee ku cel-celisay.  Laakiin odaygii waa ka dagi waayey hadalkaas waxa uuna go'aansaday in uu furo.  Halkii buu ku furay Maskiintii lamasa bitay.
Dhowr sanno kedib oo gabadhii 4 ilaa 5 nin isku furtay baa waxaa galay damac ah inuu soo ceshto.  Waxa ay dhaar ka martay in ay wax ka ogolaan ilaa uu arintii soo hubsado.  Ayadoo Taas ay jirto baa waxaa ninkii loo sheegay inuu uu jiro nin wadaad ah oo magaalada gees ka degan, kaasoo Xaliyo uuna soo saaro mushkiladaha qoysaska ku dhaco.  Ninkii buu u tagay,  waxa uu u sheegay arintii qabsatay.  Kedib baa waxaa la weydiiyey in uu ka sheekeeyo Qaabka uu aroos galkoodii koowaad u dhacay.  Waxa uu bilaabay in uu ka waramo dhamaan qaabka uu u Dhacay.  Asaga oo ku wato baa Ninkii Caaqilka ahaa ku yiri,  oo ma sax baa in ay taash cad loo geliyey gabadha ayadoo Xabadkana u qaawanaa?
Ninkii baa yiri haa waa jirtaa arintaa.  Markaa buu yiri Caaqilkii inankaa waxa uu joogay Arooska habeenkaa oo ka dheelaayey.  Waxa uuna arkay Xabadka  korkeeda in ay bar  ku leedahay.
Muddo kedib xuuraansi uu sameeyey baa waxaa u cadaatay in uu wiilka Habeenka uu joogay kedib markuu cajaladii arooska uu daawatay,  halkaana buu ka qooma meeyey kana tiiraanyooday falkii uu ku kacay.

Muhiimada sheekada

1. In ay sabab  u aheyd burburka Qoyskaa Danbiga ka dhacay Habeenkaa arooska oo Loo dhigay Arooska Qaab diin iyo dhaqanba ku habooneyn, taasoo waxa ka dhashay inoo bidhaamisay Qisadaan.

Waxaa ah wax aan la iska indho tiri karin habka arooska loo dhigo waayadaan Danbe aysan aheyn mid Dhaqan iyo Diinba raad ku laheyn.  Ogow hadaa adigu hilmaamto oo iska indho tirto Habkaad qoyskaada u yagleesid in ay san ku dhisneen hab Diinta na fartay Waxa ay Halis u tahay Ciribtaada danbe ama Xiliyada  Nolosha qoyska ay isku badasho mid cakiran.  Ogowna taa waa Caradii eebe waana Macsidii Habeenkaa iyo Maalinka arooska ku kacday.  Wabilahi Towfiiq
Hadaba Maxaa kaaga baxay Sheekadaan Akhristow.

Sheekada Abdiladif iyo Bisadda na dhex martay!

Sheekada Aniga iyo bisadda / Mukulaasha/ Yaanyuurta na dhex martay!



Bisadda baa warka ku bilawday, binaadam Waxaa tihiin Waxa Kaliyah ee Dunidaan loo fududeeyey, Waxaa nool iyo ma noole ahba waxa ay dunidaan u joogaan waa dartiin,  Waxaa loo shaqeeya oo garab loo yahay Bini-aadam, ıyada taasi ay jirto ayaa ay Cid kaste oo shaqeyso Waxa ay Xaq u leedahay dhowrid iyo In loola Macaamilo si wanaagsan. Hadaba Waxa Dunida loo roonaado oo loo shaqeeyo Waxaa ugu Liita biniaadam maadaama kolka Wax loo qabto laga heleyn mahad naq, kolka Wax si kaa ahaadaana ka amaan heleyn oo kugu noqonayo laf dhuun gashay. Ka Bahda Xayawaan ahaan Waxa aan ugu fadhinaa biniaadamka Nafci aad u balaaran,  Waxa ay Xubin kaste oo bahda Xayawaanada ugu qeybsantahay in biniaadamka la caawiyo.  Waxa aan iskugu jirnaa qolo ku nool duurka oo aad ula baxdeen DuurJoog oo kuwiina miyiga ku dhaqan ka caawiyo fududeynta noloshooda, Sidaa si la mid ah Waxaa jiro qolo kale oo idinla joogto Magaalooyinka oo ugu yeerteen DabJoog. Anaga oo ah Bahda Bisadaha waxa aan qeyb ka nahnay reer Dabjoog,  gaar ahaan Waxaa aanu nahnay Xayawaanka idinkugu dhaw ee Magaalada idin kula nool, idinma dhibaateyno laakiin Taa bedelkeyda Waxa aan idiin nahnay Caawiyaal meelo badan idinka caawiyo,  Waxaa aan mararka qaar idinka Canaananaa Xayawaano dhanka Bii'adiina saameyn togan ku leh sida Jiirka/Dooliga. Meel uu dhawaaqeyna ka maqlana kuma dhiirado joogisteyda. Iyada oo taasi ay jirto anaga idin kuma lihin Dul saar, Waxa aan idinka Asturnaa Waxyaabaha bii'ada xumeyn kara ee Soo reebtiina haba u badnaado Hilibyada qeybtiisa aadan cunine.  Sidaa si la mid ah ma nihin kuwa dhib geestee  Waxaa taa bedelkeyda nahnay kuwo u raaxo jecel sida biniaadamka oo kale.  Iyada oo taasi ay jirto baa Waxaa mararka qaar mar ay nafta naheyso baahi darteed suurtogal in jikada ku aragno hilib aan Daboolneyn kedibna aan Nafta ku qabowjino, Laakiin Nasiib darro se waxa goor ay xero iyo fandhaal kala dhaceen Waxaa goobta soo galeyso qofkii hilibka iska dayacay kolkaa bay inta soo haabato waxa agteyda yaal ay leedahay Kab hoo, Kasho hoo, bakeeriga hoo, baaldiga hoo iwm... kolkaa baa Waxaa nagu dhacayaa jug ka daran baahidii na heysay, Xitaa sida igu maqaalo ah Meelaha ka timid Afrika, gaar ahaan Soomaaliya Ma jirto qaar cid isbitaal na geyso oo Xaaladeyna iska wareysaneeso. Jugtaas baa qaarkeyn wedka ugu soo galaa qaar kalena wedka ku sugtaan!

Waxba yaan kugu daalin Cabdiladifow Maanta oo dunida ka jiro Cudur Kawada dhawaajiyey Reer Bini-aadam waxa uu sababay in ayagii iska shakiyaan uu mid walba kan kale  ka Cabsado, uuna Wehel u baahanyahay.  Waxa aan Sida noo Caadada ah la qabnaa dhibta Reer Bini-aadam Waxaa idiin nahnay Wehel Cidlo haka Cabsanina laakiin Hana Waxyeeleenina. Bisada oo warkeyda wadata baa tiri Maantana waxaa aan kaa codsanayaa in Fariinta iga gaarsiiso Biniaadanka ka dhalatay gaar ahaan kuwa Soomaalida una Sheeg in guryahooda ku ekaadaan, Allahowda ku Xirnaadaan, Isku Naxariistaan una Naxariistaan Wax Alaale iyo Wixii Bii'adooda kula dhaqan. Waa idin jecel nahnay Waxa aan idiin Rajeyneenaa Bedqab iyo Xasilooni.

Intaa kedib aniga oo Dareenkeyga la qiyaasi kareyn siduu Xiligaa ahaa baan ka raaligaleeyey dhibta ay sheegaday,  Uguna Mahad naqay garab istaaga goor walba noo muujiso.  Kedib Wada galnay sawir Farxad leh.